Xəbərlər

Dünyaca tanınmış türkiyəli Tarixçi İlbər Ortaylının "Türklərin Qızıl Dövrü" kitabının imza günü keçirilib. Görüşdə yüzlərlə oxucusu ilə görüşən müəllif daha sonra kitabları bir-bir imzalayıb. 
"Xalqın şairi" televiziya layihəsinin qaliblərindən olan, telejurnalist Mehman Rəsulovun şeirlərdən ibarət ilk  "Payız adamı" kitabının imza günü keçirilib.
Kitabın müəlliifi Vüsalə Məmmədova kitab haqqında qonaqlara geniş məlumat verib: "Əsir düşərgəsi” kitabında doqquz hekayə toplanıb. Bu hekayələr təxminən otuz insanın, otuz girovun taleyini, yaşadığı faciəni əhatə edir. Birinci kitabdan fərqli olaraq bu kitabda döyüşçü Fəxrəddin Abışovun hekayəsi yer alıb"...
Teas Press Nəşriyyat evinin yeni çapdan çıxan “Bugünün Marketinqi 3-ün təqdimatı-imza günü keçirilib. Təqdimatda çıxış edən kitabın ideya müəllifi, təsisçisi, marketoloq Rafiq Hunaltay deyib ki, 3-cü seriya ilə birlikdə Bugünün Marketinqi kitab seriyası 2011-2018-ci illər Azərbaycan biznes və marketinq dünyasının ən real güzgüsüdür.
Sahilə YAYA-nın müəllifi olduğu saytda dördüncü kitabı olan  "Şeyx" romanının imza günü keçirilib. Tədbirdə müəllifin yaxınları və oxucuları iştirak edib. 
Sevilən yazıçı Elxan Elatlının imza günü keçirildi. 
Ədəbiyyatın min illər boyu pozulmayan yeganə qızıl qaydası mətnin bədii həllidir. Əgər bu, yoxdursa, heç nədən danışmağa dəyməz. Bəzən baxırsan, bir əsərdə danışılacaq hər şey var: forma, məzmun, ideya, ana fikir və s. Bəzi tənqid və təhlilçilər oturub bu məziyyətlərdən uzun-uzadı yazırlar. Mətnlə tanış olanda görürsən, yazılanlar doğrudur, ancaq ortada ədəbiyyat yoxdur.
Şain Sinarianın müəllifi olduğu, Monakodan olan və sevdiyi azərbaycanlı əsgərə görə Azərbaycanın İmişli rayonuna gələn İvon Bottonun çətin və keşməkeşli həyatından bəhs edən "İvon Bottonun arzuladığı həyat" kitabının imza günü keçirildi.
Şərq ədəbiyyatında kifayət qədər məşhur olan və müraciət edilən "Şeyx Sənan” mövzusu Azərbaycan ədəbiyyatında da müxtəlif səpkilərdə işlənmişdir. Bizə məlum olan yazılı ədəbiyyatda  "Şeyx Sənan” mövzusuna ilk dəfə müraciət edən Fəridəddin Əttar Nişapuridir.  Əttarın "Məntiqüt-teyr” ("Quşların söhbəti”) məsnəvisinin həcmcə ən böyük hekayati "Şeyx Sənan”dır. (Bəzi araşdırmaçılar "Şeyx Sənan”ı müstəqil əsər kimi təqdim edir.)

Bu məşhur əhvalatın Azərbaycan mədəniyyətinə də təsiri danılmazdır. Dastanlarımızda, el şairlərinin və aşıqlarının yaradıcılığında Şeyx Sənan mövzusu xatırlanır. Bəstəkar Üzeyir Hacıbəyovun "Şeyx Sənan” operası, Hüseyn Cavidin "Şeyx Sənan” faciəsi və yazıçı Fəxri Uğurlunun "Şeyx Sənan” hekayəsi bu mövzuda yaranmış ən maraqlı sənət nümunələridir.
Bu günlərdə "Şeyx Sənan” mövzusunda daha bir əsər nəşr olunub. Bu dəfə Şərqin unudulmaz hekayətinə yazıçı Sahilə YaYa (İbrahimova) "Şeyx” romanı ilə müraciət edib.
Qeyd etmək lazımdır ki, “İkimiz Üçün Yeməliyəm” kitabı hamilələr üçün toplanmış bir resept kitab deyil. Burada hamiləlikdə qidalanmaya dair ümumi qaydalar, əsas prinsiplər, ziyanlı vərdişlərə dair biliklər paylaşılıb. Həmçinin qadınları ən çox narahat edən  hamiləlikdə yığılan artıq çəkiyə dair ətraflı məlumat verilir. Vacib məsələlərdən biri, hamiləlikdə əsas qidalandırıcı maddələrin qəbuludur ki, kitabda geniş şəkildə öz əksini tapır: hansı vitaminlər və minerallar lazımdır və mənbələri, ərzaqların keyfiyyətinə diqqət yetirmək və düzgün hazırlayıb istehlak etmək və s.