Rob Diks

ROB DİKS investisiyaya, sadəcə, bir hobbi kimi başlasa da, bu sahə qısa müddətdə onu özünə cəlb etdi. Sonrakı 10 il ərzində maliyyə dünyasını dərindən öyrənmək və qazandığı bilikləri başqaları ilə bölüşmək üçün əlindən gələni etdi. Rob Diks bu gün Böyük Britaniyada maliyyə sahəsində ən nüfuzlu simalardan biridir. “The Property Podcast”ı (Britaniyada ən çox yüklənən investisiya podkastıdır) təqdim edən, “Sunday Times” üçün daşınmaz əmlak haqqında həftəlik yazılar qələmə alan Robun məqsədi pulun, iqtisadiyyatın və investisiyanın, əslində, necə işlədiyini dünyaya göstərməkdir. Rob Diksin əvvəlki kitabı “The Price of Money” (“Pulun qiyməti”) son 10 il ərzində qlobal iqtisadiyyatda nələrin yanlış olduğunu üzə çıxarıb və qısa müddətdə “Sunday Times” bestsellerinə çevrilib. İndi isə Rob diqqəti yeni maliyyə erasına yönəldir və bu dövrün mahiyyətini izah edir.