TƏDBİRLƏR

“BP Azerbaijan” şirkəti idarəetmə, siyasət elmi və keys menecment sahələri üzrə ali təhsil üçün beynəlxalq miqyasda tanınmış 3 dərsliyin Azərbaycan dilində nəşrini təqdim edib. TEAS Press Nəşriyyatı ilə birgə əməkdaşlıq sayəsində ərsəyə gələn bu kitablar şirkətin Azərbaycan dilində yerli universitetlərə gətirməyi öhdəsinə götürdüyü 10 beynəlxalq təhsil vəsaitindən ilk 3 dərsliyin tərcüməsidir.

Türkiyənin tanınmış tarixçisi İlbər Ortaylı ilə görüş və "Türklərin qızıl dövrü"  kitabının imza günü 18 aprel, saat 15:00-da, Elmlər Akademiyası ilə üzbəüz yerləşən LİBRAFF mağazasında keçiriləcək. 

Aprelin 15, saat 19:00-da Mehman Rəsulovun "Payız adamı" kitabının imza günü keçiriləcək. Tədbir Gənclik Mall-da yerləşən LİBRAFF mağazasında baş tutacaq. Mehman Rəsulov "Xalqın şairi" televiziya layihəsinin laureatıdır. 

Bu, Lent.az-da yayımlanmış "Əsir düşərgəsi" layihəsi əsasında tərtib olunan ikinci kitabdır. Burada toplanan doqquz hekayət Qarabağ müharibəsində ermənilərin əsir və girov götürdüyü insanların üzləşdikləri işgəncə və zorakılıqdan, yaşadıqları dəhşətlərdən bəhs edir. Vüsalə Məmmədovanın müəllifi olduğu "'Əsir düşərgəsi" kitabının imza günü 2 aprel, saat 17:00-da, Gənclik Mall-da yerləşən LİBRAFF mağazasında keçiriləcək. 

Giriş sərbəstdir.  

11 mart, saat 19:00-da, Elmlər Akademiyası ilə üzbəüz yerləşən LİBRAFF mağazasında "Bugünün marketinqi 3" kitabının təqdimat- imza günü keçiriləcək. Tədbirdə kitabın müəllifləri olan 42 nəfər peşəkar marketoloqlar iştirak edəcək. 

9 mart, saat 16:00-da, Gənclik Mall-da yerləşən LİBRAFF mağazasında yazıçı Sahilə YAYA-nın "Şeyx" romanının imza günü keçiriləcək. 

9 fevral, saat 17:00-da, Gənclik Mall-da yerləşən LİBRAFF mağazında "İvon Bottonun arzuladığı həyat" kitabının müəllifi Şain Sinarianın imza günü keçiriləcək.