Füzuli qəzəllərindən seçmələr

Orta əsrlərdə Azərbaycan türkcəsində şeir öz zirvəsinə Füzuli sənəti ilə yüksəlmişdir. Təbii haldır ki, ötüb- keçən beşəsrlik müddətdə ədəbi dilimiz xeyli inkişaf etmiş, Füzuli dövründəki dillə müqayisədə çox dəyişmişdir. Odur ki müasir oxucu şairin zəngin ədəbi irsini başa düşməkdə çətinlik çəkir. Təqdim olunan sadələşdirilmiş mətnlər oxucuya dahi şairin söz mülkünə daxil olmağa və qəzəllərin mənasını daha yaxşı anlamağa imkan verir. Ümid edirik ki, müasir Azərbaycan dilinin səviyyəsinə uyğunlaşdırılmış şeirlər oxucularda, xüsusən də gənc nəsildə klassik ədəbiyyata maraq oyadaraq, Füzuli sözünün dərkində müasirlərimizə bir vasitə olacaqdır.