Paralel dünyada

II HİSSƏ - Kəsişən yollar 

FENTEZİ JANRINDA YAZILMIŞ TETRALOGİYA

Əfsanələr dumanında itmiş krallıqlar sükuta qərq olub. Eley möhürünün oğurlanması ilə başlayan hekayə Lumiya və Eskada krallıqlarına da sıçrayaraq gedişatı dəyişir, gənc qəhrəmanların taleyində isə yeni bir səhifə açır... ... Suallarına cavab tapmaq ümidi ilə geri – Lumiya sarayına yol tutmuş Kayla Elyanora özlərini möcüzələrlə dolu Milaros krallığında, elfl ər diyarında tapırlar. Pıçıltılar arasında gəzən məlumatlar, yeni dostluqlar və xəyanətlər, gizli, bəzən könülsüz ittifaqlar gənclərə keçmişin qapılarını bir az da aralayır. Bu dəfə gənclərin üzərinə düşən vəzifə təkcə düşmənlə döyüşüb barışı gətirmək deyil, həm də öz daxillərində qaynayan suallara cavab tapmaq, qorxu və tərəddüdlərini dəf etməkdir. Bu keşməkeşli yolda Lumiya şahzadəsi Elyanoranı tək buraxmayan Kay tərəddüd içindədir. O, cavabını bilmədiyi suallar və şübhələrlə üz-üzə qalır. Daxilini hisslər çulğasa da, gözəl şahzadə ilə bağlı öyrəndiyi sirr oğlanı şübhələrə qərq edir. Görəsən, yollarının kəsişməsi onları qurtuluşa aparacaq, yoxsa yeni bir uçuruma?